Lǐng Nán Měi Shí - 元朗區

多次發現 阿婆剪少 腸粉 欺騙 食客！ 今次實在忍唔住要出聲！！ 佢反而 大力掟低較剪 怒吼登目！！！ 勢兇夾狼 嚇到我 即刻走！！！！

元朗站 嶺南美食 早排係Facebook forum見到元朗朋友話呢間小店好抵食又好食，有次晏就5點幾去已經賣晒，星期日得起心肝10點幾去，終於試到 腸粉（$5有3條、$10有7條）、魚蛋（$5有6粒）、燒賣（$5有4粒） 排左成4—5個字，叫左$15腸粉、$5魚蛋同$10燒賣試下。女朋友走芯生醬，我就最中意花生醬，於是分袋。 食呢個豬腸粉，細細個同老豆去腸粉店嘅感覺返晒黎！野食全部不過不失，魚蛋係細細粒比較有嚼口嘅陳皮魚蛋，燒賣就一般貨色，唔算彈牙，比較多粉。腸粉 以呢個價錢黎講都算ok，好多街坊都黎排隊，人流絡繹不絕。 環境方面，而家疫情關係，小店只做外賣，未試過堂食唔知內裡環境。出面望落似係茶餐廳卡位，小店比較有歷史。

腸粉好食又點 老闆娘態度差 問都唔問要咩醬就落 本身想叫佢唔好落豉油 就起勢咁落 叫都叫唔切

嶺南美食呢其實一間舖頭仔,買豬腸粉嘅,不過佢啲豬腸粉嗰啲醬汁就整得好好味,同埋佢啲價錢呢就比一般豬腸粉嘅價錢係平嘅, 嚴格嚟講你喺嗰度食一包豬腸粉二十零蚊你已經好飽,所以都值得一試 補充一點呢就係老闆娘比較cool, 個人呢係講嘢比較掘嘅,不過佢心地善良嘅

元朗水邊圍 嶺南美食 都唔知乜能食店！老闆娘堅臭串黑面，態度超差搵人出氣，見到佢面口都無胃口食。鐘意黑口黑面兼受氣的話隨便幫襯！裡面全家人都串。咁多年都係咁專烚新